ياليلة العيد

ياليلة العيد

حكم علينا الهوى

حكم علينا الهوى نعشق سوا يا عين

واحنا اللى قبل الهوى شوف كنت فين وانا فين

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

السعد وعد يا عين والإسم نظرة عين

وانا وانت روح مغرمة كان حظها من السما

واتجمعوا القلبين

وآه يا سلام ع الهوى آه يا سلام سلم

خلانا من قلبنا بالفرحة نتكلم

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

الاوله يا أنا بنقولها تحيينا

والثانيه آه يا هنا احضن ليالينا

والتالته آه يا هوى

سلمنا ليك امرنا ولقينا فيك عمرنا

وأجمل أمانينا

وآه يا سلام ع الهوى ىه يا سلام سلم

خلانا من قلبنا بالفرحة نتكلم

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

قالوا المحبة قدر أنا قلت جمعنا

والقرب تمم لنا وادّى الحياة معنى

خلا الليل يا حبيبي يعدي وانا وياك ف ثواني

بعد ما كان اليل وانا وحدي بيطوّل حرماني

من حبك يا روحي نور الفرح بان

وف ضلّك يا روحي حسيت بالامان

والحظ ابتسم لي وضحك لي الزمان

وآه يا سلام ع الهوى آه يا سلام سلم

خلانا من قلبنا بالفرحة نتكلم

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

كلمات: عبد الوهاب محمد

الحان: بليغ حمدى

الأمير عبد الله الفيصل مع السيدة أم كلثوم

الأمير عبد الله الفيصل مع السيدة أم كلثوم.

السيدة أم كلثوم تطعم الحمام في رحلة من رحلاتها في أوروبا

السيدة أم كلثوم تطعم الحمام في رحلة من رحلاتها في أوروبا

السبب الذي من أجله كانت السيدة أم كلثوم تلبس نظارة سوداء

السبب الذي من أجله كانت السيدة أم كلثوم تلبس نظارة سوداء هو أنها كانت مصابة بمرض في الغدة الدرقية الذي جعل عيونها تجحظ (تخرج) قليلاً . في الحفلات وهي تغني لم تلبس هذه النظارة ولكن تعليماتها للمصورين أن يكون ألتصوير من بعيد. من وقت الأخر كان بعض المصورون لا يعملون بهذه التعليمات و ذلك إما عن جهل أو قلة أدب.
أما أنا فكانت نظارتي من النوع الذي لونه يغمق في الشمس أو الضوء الشديد وكان المفروض أن يعود فاثح في الليل. التكنولوجيا لم تكن متقدمة وقتها في الستينات. اللون اغمق و إستمر على ذلك.

من نوادر و طرائف السيدة أم كلثوم

من نوادر و طرائف السيدة أم كلثوم
  كانت السيدة أم كلثوم معروفة بالذكاء الحاد و سرعه البديهة مع خفة الدم كان أحد الجيران يسكن ب القرب من منزلها بالزمالك و كان يحاول أن يزورها باي وسيلة. و ذات مرة كانت تستقبل بعض أصدقاائها من الشعراء و الكتاب و الموسيقين فدخل معهم هذا الجار بدون دعوة. فقال لها أحد ألحاضرون : "يا ثومة ممكن تعرفينا بالاستاذ؟ " فردت أم كلثوم بسرعة و قالت: " الاستاذ ده جارثومة "

السيدة أم كلثوم تصافح أحمد سوكارنو رئيس اندونيسيا

السيدة أم كلثوم تصافح أحمد سوكارنو رئيس اندونيسيا في ٢٣ يوليو ١٩٥٥
الرئيس جمال عند الناصر ينظر بفخر و اعجاب و سرور.
كان الملوك و الروئساء و الامراء الأجانب عند زيارتهم لمصر يطلبون شرف لقاء السيدة أم كلثوم منذ سنة ١٩٢٩ و لغاية آخرعمرها.

أم كلثوم تحت تأثير مقطع حتحتاج عطف قلبي (حسيبك للزمن)

مقطع مؤثر جدا للسيدة ام كلثوم من احدى حفلاتها وهية تغني مقطع يوم من الايام حتحتاج عطف قلبي من رائعتها حسيبك للزمن أكاد أجزم انها تخفي عن الناس دمعتها في هذا الحفل تأثرها واضح أثناء الاداء

أم كلثوم - حيرت قلبي معاك - كاملة بجودة عالية

فكرونى - ام كلثوم

حمال عبد الناصر وام كلثوم

1. حمال عبد الناصر وام كلثوم

اروح لمين واقول يامين ينصفني منك - ام كلثوم

اروح لمين واقول يامين ينصفني منك
ما هو انت فرحي وانت جرحي وكله منك
أروح لمين

كلمة ونظرة عين والقسمة وياهم
جمعوا سوا قلبين والحب مناهم
وبين ليالي المنى خذني الهوى وياه
وكان وصالك هنا وكنت باتمناه
وبعد حبي شغلت قلبي وقسيت عليه
وكان منايا يدوم هنايا، ما دمش ليه؟
لوعني حبك واليوم فى بعدك بيفوت سنين
و أروح لمين واقول يا مين ينصفنى منك ؟
يطول بعدك.. واعيش بعدك على شوقي وأشجاني
ما بين ماضي.. ما هوش راضي ينسيني وينساني وينساك
وبين حاضر ما هوش قادر يسلني فى حرماني
وأبات انعي. أنا ودمعي
واخبي دمع العين واداري من اللايمين
لا يلمحوا عليه ويشمتوا فيه
ولحد امتى حتبقى انت والشمتانين
أروح لمين
أروح لمين ومين ح يرحم أسايا
واقول يامين ومين ح يسمع ندايا
طول مانت غايب ما ليش حبايب فى الدنيا ديه
والفكر سارح والهجر جارح يا نور عنيه
شوف دمعي جاري سهران فى ناري
ولا انت داري بالسهرانين
أروح لمين

سيرة الحب - أم كلثوم

أم كلثوم - رباعيات الخيام حفل أقيم بالمغرب سنة 1968

ام كلثوم - طول عمري بقول، لا أنا قد الشوق وليالي الشوق

طول عمري بقول، لا أنا قد الشوق وليالي الشوق
ولا قلبي قد عذابه

وقابلتك انت لقيتك بتغيّر كل حياتي
معرفش ازاي حبّيتك معرفش ازاي يا حياتي
من همسة حب لقتني بحب وادوب في الحب
وصبح وليل على باب

مقتطفات غنائية رائعة من أجمل ماغنت كوكب الشرق أم كلثوم.

هل تعلم ماهو سبب سقوط ام كلثوم من على المسرح ؟

تقول الرواية المرافقة للصورة النادرة بأن أم كلثوم سقطت ذات ليلة على خشبة مسرح (الأولمبياد) في باريس، لا عن إعياء أو بتأثير بذل جهد ومشقة في الغناء، أو لأن عمرها في تلك الحفلة كان (سبعين عاماً)، وحفلتها تلك في باريس كان لصالح المجهود الحربي، وهذا أدعى لتزداد قوة ونشاطاً وحيوية، فقد ذهبت لتغني في باريس عام 1968، بعد الهزيمة بنحو عام، لتؤكد على قدرة مصر والعرب على النهوض والوقوف بثبات رغم الهزيمة، ووتضيف الرواية بأن اليهود سعوا للحيلولة دون إقامة حفلتها في باريس، ولم ينجحوا. ربما علينا التفسير عن المعنى الرمزي للسقوط، فالفنانة الكبيرة سقطت على المسرح وهي تحاول تقديم المساعدة لنهوض القوات المسلحة من الهزيمة، وعلى ذلك بدا أن جبروت الصوت الطربي هزم أمام التقدم بالسن والارهاق. وحدث السقوط وهي تغني (الأطلال)، وعندما انطلق صوتها الصداح بهذا البيت: "هل رأى الحب سكارى مثلنا كم بنينا من خيال حولنا". في هذه اللحظة، استبد الطرب بأحد الشبان من الجمهور، فانطلق مسرعاً وصعد إلى خشبة المسرح، وجلس أمام أم كلثوم على ركبتيه وأمسك قدمها اليمنى بكلتا يديه، عازماً وبإصرار على تقبيلها، ورفضت هي أن يقبل الشاب قدمها، وحاولت تخليص قدمها من بين يديه، فشدتها إلى الوراء، وبين شدها لقدمها وتشبث يدي الشاب بها، تهاوى جسدها، وسقطت على خشبة المسرح ولا شك أن سقوط أم كلثوم كان مؤلماً وموجعاً جداً لها، لكن المهم أن الحادث كله من لحظة سقوطها إلى وقوفها وعودتها للغناء لم يستغرق أكثر من ثلاث دقائق، فصبرت على الألم وتحاملت على الوجع، ونهضت لتواصل غناء (الأطلال) بنفس الإبداع والقوة والإبهار. وبذكاء حولت أم كلثوم الحادث المثير، إلى نكتة، لتخرج الجمهور من حالة التوتر وتعيده إلى جو الغناء والطرب، فبمجرد وقوفها عادت سريعاً لتغني (هل رأى الحب سكارى مثلنا) والشاب لحظتها في أيدي رجال الأمن يقودونه إلى خارج المسرح، وبذكاء أشد غنت صدر البيت على هذا النحو (هل رأى الحب سكارى بيننا) وهي تشير بيدها إلى الشاب، فزال التوتر وضحك الجمهور وانطلق يصفق بقوة ويهتف لها بحرارة أشد انبهاراً بمقدرتها الفذة على تجاوز الحادث الأليم بسرعة، وشكراً وعرفاناً لها باحتمالها الألم الشديد من أجله لتنهض من سقوطها الموجع بسرعة فائقة لتقف شامخة وتعود للغناء لتسعده بصوتها المعجزة وغنائها العبقري

كلمات اغنية الحب كله - ام كلثوم

كلمات اغنية الحب كله ام كلثوم مكتوبة

الحب كله حبيته فيك، الحب كله
وزماني كله انا عشته ليك، زماني كله

حبيبي قول للدنيا معايا ولكل قلب بدقته حس
يا دنيا حبي وحبي وحبي ده العمر هو الحب وبس
واسقيني واملا واسقيني تاني، من الحب، منك، من نور زماني
اسقيني ياللي من يوم ما شفتك حسيت كأني اتخلقت تاني

روح قلبي يا حياة أيامي
يا حبيبي يا ملاك أحلامي
أنا كنت ايه قبل ما أشوفك، أنا كنت ايه
وكنت عايش يا حبيبي ايامي ليه، ايامي ليه
طريق حياتي مشيته قبلك في ليل طويل
لا قلب جنبي يحس بيا ولا طيف جميل

ولما شفتك، اول ما شفتك
بكل شوق الدنيا لقيتني مشدود اليك
وفي كل حب الدنيا ناديتك وجريت عليك
ناديت ناديت عالدنيا بحالها، ولكل قلبي بدقته حس
يا دنيا حبي وحبي وحبي، ده العمر هو الحب وبس

الهوى العطشان، عطشان في قلبي بيندهك
يا أرق من النسمة وأجمل من ملك
انت روحي وكل عمري ونور حياتي
يا حياتي، ايه أنا بالنسبه لك؟
حبيبي، ده انا مخلوق علشانك
يا دوب علشانك، علشانك انت
وقلبي، عاش على لمس حنانك
يا دوب حنانك، حنانك انت

حلوة الأيام، حلوة الأحلام، حلوة حياتي
حلوة يا سلام، بتمر قوام، ويا حياتي
يا زمان، يا ليالي طويلة احلامها جميلة محال تنعاد
يا زمان، يا ليالي بتجري بتطوى اماني وتفوتنا رماد
فيها ايه لو تنسى اثنين في الحب دايبين عايشين
عايشين نقول للدنيا بحالها والكل قلبي بدقته حس
يا دنيا حبي وحبي وحبي ده العمر هوه الحب وبس

يا حبيبي يا عبير الشوق يا حبيبي
يا نصيبي من ليالي الشوق يا حبيبي
شعر ايه ده الكلام اللي ف عنيك خلا احلى كلام يغير
عطر ايه ده العبير اللي ف ايديك بيقول ايديك هيا العبير

من الربيع اللي ف شفايفك لليالي اللي ف عنيك
من اللهيب اللي ف خدودك للحنان اللي ف ايديك
رحلة تاهت روحي فيها وتهت فيها
خبيني من الزمن خبيني وبعيد عن عيونه داريني
عالفرحه الكبيره يا خوفي لا ياخدها ولا يخليني
خلينا نقول للدنيا بحالها ولكل قلبي بدقته حس
يا دنيا حبي وحبي وحبي دا العمر هوه الحب وبس

كلمات اغنية سيرة الحب - ام كلثوم

سيرة الحب

طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاي انا حبيتك ما أعرفش إزاى ياحياتى
من همسة حب لقيتنى باحب وأدوب فى الحب وصبح وليل على بابه

****

فات من عمرى سنين وسنين شفت كتير و قليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى باحب وأدوب فى الحب وصبح وليل على بابه

****

ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدنى الحب لقيتنى باحب وأدوب فى الحب وصبح وليل على بابه
 
****

يا اللى مليت بالحب حياتى أهدى حياتى إليك
روحى..قلبى..عقلى..حبى كلّى ملك ايديك
صوتك..نظراتك..همساتك شىء مش معقول
شىء خللى الدنيا زهور على طول وشموع على طول
الله ياحبيبى على حبك وهنايا معاك الله يا حبيبى يا حبيبى الله الله
ولا دمعة عين جرحت قلبى ولا قولة آه
ما بقولش فى حبك غير الله الله يا حبيبى على حبك الله الله
من كتر الحب لقيتنى باحب وأدوب فى الحب وصبح وليل على بابه

كلمات: مرسي جميل عزيز
 ألحان: بليغ حمدي
 مقام: سيكاه
تاريخ: 1964